नेपालीहरुको महान् पर्व वडा दशैं निजिकिदै गर्दा शिक्षा क्षेत्रमा सक्रिय लमजुङ घर भई काठमाडौ निवासी कमला घिमिरे अधिकारीद्धारा रचना गरिएको दशैं आयो बालगीतको म्युजिक भिडियो सार्वजनिक भएको छ । बालबालिकालाई लक्षित गरी रचना गरिएको बालगित दशैं आयो गीतको म्युजिक भिडियो निर्माण गरिएको हो ।
बालबालिकालाई गीतको माध्यमबाटै नवदुर्गा भगवतीको पुजा गरिने, दशैंमा रमाईलो गर्ने, मिठो मसिनो कुरा खाएर, नयाँ लुगा लगाउने, पिङ खेल्नुका साथै ठूलाबढाको हातको टिका र जमरा लगाएर आर्शिबाद लिने लगायतका कुराहरु समेटिएको रचनाकार घिमिरेले बताउनुभयो ।
हालसम्म घिमिरेको “तरकारीका नाम, पोसाक, हिस्सी परेकी नानी, नमस्ते गुरुआमा, म त स्कुल आए” लगायतका १५ वटा बाल गितहरु म्युजिक भिडियोको साथमा सार्वजनिक भैसकेको छ भने अझै ५ वटा सार्वजनिक हुने तयारीमा रहेको रामप्रसाद अधिकारीले बताउनुभयो । कमला घिमिरेद्धारा रचिएको दशैं आयो बाल गितको संगितकार बलराम समाल मगर, प्रितिशा अधिकारी, र बालबालिकाहरु अद्भिग न्यौपाने, आकांक्षा समाल मगर, आश्रीता ज्ञवाली र आराध्य अधिकारीको स्वर रहेको छ ।
साहित्य लेखनमा निकै रुची राख्ने घिमिरे काठमाडौं टोखामा रहेको हनी बि स्कुुलका प्रिन्सिपल हुनुहुन्छ । घिमिरेका यस अघि महको महलमा हाइकु सङ्ग्रह, मामाघर बालकविता र रश्मी मुक्त सङ्ग्रह प्रकाशित भै सकेका छन् भने थुप्रौ फूटकर कविता तथा मुक्तकहरु प्रकाशित छन् ।
