राष्ट्रिय परीक्षा बोर्डले माध्यमिक शिक्षा परीक्षा (एसईई) को नतिजा सार्वजनिक गरेको छ। बोर्डका अध्यक्ष डाक्टर महाश्रम शर्माका अनुसार यस वर्ष ६१.८१ प्रतिशत विद्यार्थी ग्रेडेड भएका छन्।
२०८१ को एसईईमा नियमिततर्फ सहभागी भएका ४ लाख ३८ हजार ८९६ परीक्षार्थीमध्ये ३.६ देखि ४ जीपीए ल्याउनेहरू ४८ हजार १७७ रहेका छन्।
त्यस्तै ३.२ देखि ३.६ जीपीए ल्याउने विद्यार्थी ८१ हजार ३८५ जना र २.८ देखि ३.२ जीपीए ल्याउने विद्यार्थीहरू ८९ हजार १२४ जना रहेका छन्।
त्यस्तै २.४ देखि २.८ जिपिए ल्याउने विद्यार्थीहरू ४८ हजार ४७९ जना र २ देखि २.४ जीपीए ल्याउने विद्यार्थीहरू ४ हजार १२६ जना र १.६ जीपीएदेखि २ जीपीएसम्म ल्याउनेहरू ८ जना रहेको बोर्डले जनाएको छ। त्यस्तै १२६ जनको परीक्षा रद्द गरिएको बोर्डका अध्यक्ष शर्माले बताए।
एईई परीक्षामा कोशी प्रदेशबाट ४७,८३५ जना, मधेस प्रदेशबाट ५९,७४९ जना, बागमती प्रदेशबाट १,१९,५१७ जना, गण्डकी प्रदेशबाट ४७, ८४९ जना, लुम्बिनी प्रदेशबाट ५७, ६८७ जना, कर्णाली प्रदेशबाट ४६, ४५५ जना र सुदुरपश्चिम प्रदेशबाट ५९,८०४ जना परीक्षार्थी ग्रडेड भएका छन् ।
एसईईको ग्रेड बृद्धी गर्न चाहने विद्यार्थीहरुले लागि आगामी साउन २९ गतेबाट पुन: परीक्षा दिन सक्ने बताइएको छ ।
